Posts

Showing posts from 2016

Save the Sahyadri .....

Image
नमस्कार गिरीमित्रांनो व भटक्यांनो,  सह्याद्रीतल्या ट्रेकिंगचा "Peak Season" म्हणजे अगदी सदाहरित व बारमाही !!! महाराष्ट्रातल्या दुर्गम गडकोटांकडे,घाटवाटांकडे गिर्यारोहकांची पावलं वळू लागतात आणि या सह्याद्रीउत्सवाला अगदी उधाण येतं . पण या वाढत्या ट्रेकिंग संस्कृतीबरोबर काही उत्साही पर्यटकांमुळे सह्याद्रीला आणि त्याच्या जैवविविधतेला धोका उत्पन्न झाल्याची चिन्ह दिसू लागली आहेत. जिथे जाऊ तिथे दारूच्या बाटल्यांचा खच,सिगारेटची पाकिटं, कचरा, आधीच मरणासन्न अवस्था भोगणा-या अवशेषांवर लिहिल्या जाणा-या प्रेमकहाण्या आणि त्याला खतपाणी घालणारे बेताल पर्यटक हे दृश्य आता सहन करण्याच्या पलीकडे गेलं आहे. निव्वळ निष्काळजीपणामुळे डोंगरांमधील वाढू लागलेले अपघात हाही चिंतेचा विषय आहेच.त्यामुळे तैलबैला येथे नुकत्याच पार पडलेल्या Sahyadri Trekkers Bloggers Meet मध्ये या सर्व गोष्टींना अंकुश बसावा आणि गिर्यारोहण सुरळीत व्हावं यासाठी काही ठोस उपाययोजना करण्याच्या दृष्टीने पहिलं पाऊल उचलण्यात आलं आहे. Sahyadri Trekkers Bloggers च्या सदस्यांनी काही प्रतिबंधात्मक चिन्ह तयार केली असून त्याचे फ्लेक्स प्रत्ये…

एक दिवाळी.....आडवाटेवरची !!

Image
नक्की तारीख आठवत नाही....पण भल्या पहाटे जेव्हा सिंदोळा किल्ल्याच्या पायथ्याचं बगाडवाडी गाव गाठलं त्यावेळी सह्याद्रीच्या अजस्त्र कड्यांमागून तेजोभास्कराची रोषणाई झालेली होती आणि गावातल्या प्रत्येक घरात संध्याकाळच्या रोषणाईची जोरदार तयारी सुरु होती. गावातल्या अनेक चेहे-यांवर “दिवाळीत घरी बसायचं सोडून ही चार कार्टी इथं कुठं कडमडायला आली !!” असले भाव स्पष्ट झळकत होते. आम्ही मात्र त्यांना एक लाघवी हास्य दिलं आणि सिंदोळयाची पायवाट तुडवू लागलो....तो माहोलच काही और होता !!
निमित्त होतं दिवाळी स्पेशल म्हणून आखलेल्या पुणे जिल्ह्यातल्या आणि जुन्नर तालुक्यातल्या सिंदोळा,हडसर,चावंड आणि निमगिरी या चार भन्नाट किल्ल्याच्या स्वैर भटकंतीचं. ऐन दिवाळीत घरी बसायचं सोडून पोरगं अजून तिघाचौघांना नादाला लावून आणि पाठीवर बोचकी घेऊन भटकायला निघालंय या कमालीच्या उद्विग्नतेतून निर्माण झालेल्या आणि कानावर सुतळीबॉम्ब सारख्या फुटणा-या घरच्यांच्या शिव्या ऐकल्या आणि बाईकवरून पहाटेच्या प्रचंड थंडीत रक्त गोठवत सिंदोळा किल्ल्याचा पायथा गाठला. सिंदोळा किल्ला मात्र भन्नाट आहे. नाळेतली खडी चढाई अंगावर आली पण वरून दिसणा-या स…

खान्देशावर बोलू काही : - भाग एक

Image
रात्रीचे पावणेदोन वाजत आले होते. नाशिकच्या द्वारका चौकात वाहनांची वर्दळ वेळ आणि देहभान विसरून धावतच होती. मुंबई - आग्रा महामार्गाचा गुळगुळीतपणा जाणवायला लागला तसा पुणे - नाशिक प्रवासाचा शीण कुठल्याकुठे पळाला . रस्त्यावरचे मैलाचे दगड वेगवेगळ्या गावांशी सलगी करत होते...आमच्यातलं आणि त्यांच्यातलं अंतर कमी करत होते. पौर्णिमा दोन दिवसांवर होती. वडाळेभोई गाव जवळ आलं तशी नजर आपोआपच डावीकडे वळाली.....लख्ख चंद्रप्रकाशात धोडपचा बुलंद आकार आणि कांचनाची जुळी टोकं मनात तरंग उमटवून गेली... आठवणी जाग्या करून गेली !!! भाऊडबारीच्या टोलनाक्याच्या आधी कांचना,मांचना,बाफळ्या,शिंगमाळ या असीम शिखरांवरून फिरत असलेली नजर विसावली ती राजदेहेर,कोळदेहेर आणि इंद्राई दुर्गांवर !! सातमाळा रांग आणि आमचं मनस्वी नातं पुन्हा एकदा अधोरेखित झालं....आनंद देऊन गेलं. मालेगाव चौफुलीवरच्या हॉटेलमध्ये फर्मास चहाचे घुटके घशाखाली रिचवत असताना चर्चा रंगल्या त्या मार्कंड्याच्या आभाळउंचीच्या,मोहनदरीच्या जगावेगळ्या नेढ्याच्या,कण्हेरगडाच्या खडतर चढाईच्या आणि धोडपच्या सर्वगुणसंपन्नतेच्या !! गाडीला आता वेग आला. रात्रीचा शेवटचा प्रहर सुर…